祝福

--秀玲

媽咪，查某子阿玲足思念妳ㄟ，阮足不甘媽咪離開阮，足不甘足不甘ㄟ。可是嘛是要祝福媽咪前往您足好足好ㄟ未來喔，祝福王吳品媽媽。
媽咪，您是我ㄟ天我ㄟ地，我ㄟ日頭我ㄟ月娘，阮足愛阿娘ㄟ。
媽咪，您奈ㄟ這呢水，您ㄟ面容，您ㄟ內心，還閣有您ㄟ智慧，您無限ㄟ愛心。
媽咪，您是阮這世人最寶貝最寶貝ㄟ最愛。阮知影阮嘛是媽咪最寶貝ㄟ最愛。
媽咪，我愛您，您ㄟ精神您ㄟ愛會陪伴阮一世人喔，阮足幸福ㄟ因為您，阮足光榮ㄟ因為您，阮足驕傲ㄟ因為阮是您ㄟ孩子，最讚ㄟ阿品ㄟ子兒。
媽咪，阮雖然足不甘媽媽，嘛足思念媽媽ㄟ，但是查某子愈祝福媽媽ㄟ未來，依媽咪ㄟ善良，仁愛，勇氣，智慧，阮相信媽咪ㄟ未來一定ㄟ足好足好ㄟ，阮祝福媽媽。
媽媽，阮愛您，阮足愛媽媽ㄟ吼。媽咪您用一生，勤懇種ㄟ福田，您ㄟ福氣，致蔭阮真幸福，攏有人照顧關心，有青菜水果可以吃，厝邊ㄟ阿舅阿兄阿姨親晟攏關心咱，關心阿爸。這攏是逢媽咪ㄟ福氣，媽咪做人成功，給人感心。
阮要感謝媽咪，生給我們健康ㄟ身體，和媽咪同款善良ㄟ心，還有聰明和智慧，我ㄟ一切攏是媽咪賜與我ㄟ，是媽咪晟養陪伴阮平安長大，教導阮認識成長中所有的人事物，趣味與現實。教示阮正確ㄟ態度，給阮鼓勵，給阮信心，給阮飽足，給阮快樂ㄟ環境，溫暖ㄟ家。
所有ㄟ讚美詞，攏還不足以形容媽咪置阮內心ㄟ真善美，愛，堅強活力與毅力。媽咪，我愛您，阮兄弟姐妹，您ㄟ女婿媳婦，您ㄟ阿孫ㄟ嘛攏足愛媽咪ㄟ，媽咪阮永遠愛您喔，媽咪您是阮心中最美ㄟ菩薩。
俊智俊仁秀英(阿如)秀玲，世欣美月志成自生，佑民翊宏冠名冠霖，狗孫ㄟ黑寶攏祝福媽咪喔。