最親愛的媽媽
最偉大的媽咪
最堅強的阿娘
最勇敢的阿母
您用一生的愛來成養阮
您乎阮ㄝ愛足多足多
會伴咱 世世代代 子子孫孫
做正面的代誌 有路用的人
您生給阮真正健康的身體
牽教阮成為有智慧的人
鼓勵阮做有勇氣的人
感化阮做有愛心的人
您教阮愛勤儉 物件要有需要才買
不通呷意著買
您說咱要 人窮志不窮
您教阮發現人生ㄝ趣味
人情ㄝ溫暖
您一生ㄝ勤儉打拼 成養阮
成就咱這ㄝ家
媽媽您現在己經完成人世間ㄝ責任
咱ㄝ家會愈團結 因為您ㄝ愛
阮兄弟姊妹到老攏ㄝ互相愛護 照顧甲扶持
請媽媽放心 不免掛念
阮會好好照顧阿爸
阮會定定返來照顧阮最愛ㄝ梅山 咱ㄝ家
照顧媽媽親手種ㄝ花草 果子 青菜
您講龍舌蘭ㄝ那支花心 買留ㄌㄧㄝ作記念 阮會替媽媽保管好
雖然媽媽ㄝ人不在家裡
但是您永遠置阮ㄝ心內
乎阮感覺溫暖
自細漢您就為阮底吃苦
但是不曾聽妳怨嘆
現在阮了解因為媽咪ㄝ本性就是快樂和堅強ㄝ
您充分瞭解人間ㄝ善和美
媽媽妳是對人生充滿美學ㄝ人
您走過ㄝ辛苦路途 攏在在鼓勵阮會越堅強
您為阮吃ㄝ苦 是對阮無限ㄝ愛 阮感受到了
一切攏致蔭阮 平安順適
阮自細漢跟著媽咪大漢 所經歷ㄝ隆是趣味 美麗ㄝ代誌
媽媽 您是阮最美麗ㄝ母親
您ㄝ善良寬大 堅強智慧 耐心愛心 勤儉骨力 好奇熱情
隆是阮學習ㄝ目標
您是阮心目中永遠的模範母親
一百分ㄝ媽媽 阮足愛媽咪ㄝ
Julie講您一定真快樂自由置天堂
因為您一直是一個可以感動到人心ㄝ人
阮兄妹ㄝ好朋友嘛隆同款祝福媽咪
在場關心媽媽ㄝ親成好友嘛是同款祝福媽媽
媽媽是足有福氣的人
媽媽 您是阮一生ㄝ驕傲
阮以媽媽為光榮
回想阮和媽媽所有鬥陣ㄝ時間 是那麼有滋味!
乎您做子兒 是阮人生最大ㄝ福氣!
媽媽阮愛您
媽媽阮是幸福ㄝ 媽媽有阮嘛是幸福ㄝ
咱ㄝ緣份一定會久長好幾世
希望您可以擱再來看顧
牽教阮 陪伴阮
阮要擱繼續來有孝媽媽 陪伴您
媽媽 阮愛您 阮足愛足ㄝ
媽媽
您的未來 一定會足好足好
阮衷心的祝福您
愛您ㄟ孩兒 俊智 俊仁 秀英 秀玲
愛您ㄟ媳婦 世君 美月
敬愛您ㄟ女婿 志成 自生
敬愛您ㄟ阿孫ㄝ 佑民 翊宏
外孫 冠名 冠霖
沒有留言:
張貼留言